香港新浪網 MySinaBlog
tobegreen | 29-Jun-06, 14:23 | | (226 Reads)

出左咩問題呢呢?

近兩星期,我的電腦的網絡連線能力大大減退,並非快慢問題,而是凡是一些需要 login / submit info 的工作有 90% 都會失敗,例如在 gmail send email、login msn、submit blog 的新文章等。其實這個情況是相當困擾的,因為我在家中上網,絕大部分時間都是用來 check email、玩 msn 及 update blog,如果這三項功能不能順利進行的話,實在是一件非常沮喪的事。(沮喪到我都冇心情同細佬搶寬頻線,上到又點,咩作為都冇....send email load 左「十世」之後 error、submit 新文 load 左「十世」又 error (打打埋埋 d 野仲冇晒)、login msn 亦係 error)。

現在,我都是在公司偷偷地 reply email 及 update blog,不過,不能夠長此下去,因為會比人揭發 (或者雖然唔揭發,不過會唔拭得)。

 (閱讀全文)

tobegreen | 27-Jun-06, 13:49 | | (214 Reads)

發生咩事??牽腸掛肚篇文在一夜之間竟然飈升至 226 reads ,唔通九把刀效應真係咁強勁?!

定係系統故障呢...?

有冇人可以解開我的疑惑?


tobegreen | 26-Jun-06, 14:26 | | (342 Reads)

我想睇 <鬼域>!!!

我好想睇 <鬼域>!!!

我非常想睇 <鬼域>!!!

 (閱讀全文)

tobegreen | 22-Jun-06, 22:52 | | (1026 Reads)

掛住一個人就聽得多,掛住一本書,你聽過未?

前幾日,我就係咁沉淪在一本書的手上。它,就係九把刀的作品 <臥底>。

其實,呢本書已經存在於我的書架上兩個月有多 (一本簡體,一本繁體,買多左,可見我起初係幾唔為意它)。買是因為九把刀近日的名氣,而且我亦由 <樓下的房客> 中 (上網睇的,心血少的人勿看) 親身引證過他說及寫故事的能力,只不過我一直都以為自己並不太喜歡看類似 <臥底> 這類帶武俠成份的小說 (...因為,我睇書鍾意一邊睇,一面將書內場景形象化,那些刀來劍往的情節會令我的腦好混亂...),所以,睇完份人物關係圖後,就放左佢埋一邊封塵啦 (而家個圖唔見左...)。

前幾日,響堔圳買左 <獵命師傳奇一>,見佢薄薄地,就一口氣睇完。好惦呀!我就決定要買埋二、三、四、五、六……不過,買,唔係一時三刻可以做到,點止渴呀?嘿,原來本封塵的 <臥底> 係前傳,緊係拿拿臨搵佢出來啦。之後,我就「後悔」…因為真係太好睇!拎左上手就唔捨得放低,因為唔想放棄跟住的情節,唔想放棄每一個人物的發展,一刻都唔想。

有 d 故事,你想追,係因為你想知佢點收科,係為左一份好奇。有另一 d 故事,你想追,唔係因為想知結局,係為左一份著迷,對作者每一個鋪排、每一句對話、每一段敘述的著迷,完全比作者的文字吸引。九把刀的作品,是後者。

本書,我睇左三日,搭車睇、臨訓睇 (如果,唔係怕第朝做野瞌眼訓,我唔訓都睇埋佢,事實上,我呢幾日睇到點幾先訓,返工都係瞌眼訓架) 冇得睇既時候,就諗……

好奈冇遇一本令人咁牽腸掛肚既書啦。(上一本好似係深雪的玟瑰奴隸王,不過o個時時間多,可以一口氣花幾個鍾睇晒,而家唔得。我對深雪的作品係又愛又怕,我知道我一定會鍾意,一睇又一定唔捨得放低,所以我好怕開始,呢個就係點解書架上有幾本一 d 都未睇既深雪.....多 d 時間就好啦!)

 (閱讀全文)

tobegreen | 22-Jun-06, 00:37 | | (775 Reads)

每隔一段日子,我都會不嫌其煩的詢問略有音樂造旨的朋友「大腿舞」的正確名稱。

你們知道「大腿舞」是甚麼嘛?即是那首有一班一字排開的豔麗女郎掀裙踼腿的舞蹈。沒錯,我一直都對此曲情有獨鍾。經過剛才我在網絡上落力搜尋後,終於找到它的出處啦!

其實,那隻舞的正確名稱是「肯肯舞 (can can)」,由 Jacques Offenbach (德國,1819 - 1880) 創作 (應該係某個樂曲的其中一段,不過我唔識睇法文...)。「肯肯舞」在早期的法國紅磨坊是非常著名的舞蹈,而家都有唔少人學,連陳慧琳都在演唱會上表演過這種舞蹈 (其實我都係 search 左先知...)。這隻曲亦在不少電影 / 電視劇中充當配樂 (不過,真係要你講響邊套戲出現過,你又唔會講得出架 bor....)。

總之,好開心終於可以搵到佢,我要 set 佢做鈴聲,yeah!!!


tobegreen | 21-Jun-06, 11:43 | | (186 Reads)

職場上真係好多「能人奇士」,遇得最多的就係o個 d 超級 A 字膊的人。托她幫你解決屬於她職責範圍以內的問題,她總是可以憑她長篇大論、大條道理地將責任推得一乾二淨,偏偏你又不能夠即時找到她說話中的破綻,任憑她逍遙法外,真係自問拍馬都追唔上。

她而家十成九響度冚住半邊咀嘲笑我的無可奈何。

唉,我係咪有需要為五斗米折腰,拜佢為師呢?


tobegreen | 11-Jun-06, 23:55 | | (323 Reads)

時間﹕八時晚飯‧九時開波

地點﹕「想不起來」台灣食店‧旺角 H & B CAFE

人物﹕$$、君、TERRY & GF、SANDY & FRD、$$'s FRD & GF、雲妮、強、我

四年一度世界杯,我呢個冇乜幾可睇波的門外漢都緊係湊一湊熱鬧啦。呢場  ENGLAND & PARAGURY 戰都幾好睇....雖然響一記烏矓球後,再無入球,不過,佢至少未至於淪為一場純粹的追逐戰。

其實一個非球迷睇波,佢會 EXPECT 一齊睇的球迷都是足球百科傳書,可以臨場為佢解答一切令佢睇到一頭霧水的疑惑,但係往往佢係 over-estimate 左球迷們的 profession,而且,大多數情況下,人地係唔得閒理你o個 d 響佢地眼中無里頭的問題。不過,其實,就算有人答左,d 答案都唔會留響非球迷的腦內好奈...就例如,我到而家都唔知咩係「越位」(而查實係我每次睇波都有問 ^_^)

不過,我都係鍾意坐響專業而又有耐性球迷隔離,因為睇唔明已經好無奈,有疑惑無路問就更無癮。


tobegreen | 11-Jun-06, 23:35 | | (224 Reads)

標題的「無聊」是指餘閒太多,唔知如何打發,只可以做一 d 毫無趣味,甚至咩都唔做,一味話無聊。

其實,我是不太理解那些整天將無聊掛在咀邊的人,可能是我實在太「有聊」。update blog、看積存的 vcd 和書、執野 (呢樣工作係永無止境的)、聽碟、online 會友、上網睇下野 (唔詳列有咩好睇啦)...以上的都只係列出部份在屋企可以做既事;仲有出街呢,港九新界都有各大商場供我 shopping——對我來說,想做、要做、可做的事太多了,但時間實在太少了。所以,我因為別人說無聊而露出不可置信的神情,是絕不奇怪的。

有人之所以無聊,我想真的無事可做只是表面原因,實際上是心態問題。如果一直只是想著自己幾無聊,先入為主的認定做咩都係無癮,否定了那項活動,你已經阻止了自已去投入,為自己撒下「無聊的種子」了。假若可以咩都試下做,唔好理o個樣是否自己原本已經有興趣做的事,咁睇世界杯重播都可以睇得好滋味 (註﹕本人係冇睇開波架)。另外,其實做一件事,可以唔係只單純地做那一件事。以睇世界杯為例,你以為睇世界杯就只是睇兩隊球隊出盡渾身解數將球送入對方龍門嗎?當然可以唔止咁「少」,佢仲可以係一場靚仔猛男 show、攪笑 show (烏矓球/無里頭旁述...),甚至是一個增進知識的節目、培養友儕間感情的活動 (um...好似幾年前的七一大遊行?)。

如果你已經嘗試調整心態,不過仍然驅除唔去無聊感的話,咁麻煩你係夜晚訓教之前,向上天祈求將自己無法打發的時間撥予本人,我會好感激架。^_^


tobegreen | 11-Jun-06, 19:36 | | (2400 Reads)

<from album 醉迷情人>

唱﹕陳慧琳
詞﹕阮世生 曲﹕雷頌德   
 
曾某年某一天某地 時間如靜止的空氣
你的不羈給我驚喜
曾說同你闖天與地 曾說無悔今生等你 
也不擔心分隔千里
 
多少歡樂常回味 天空中充滿希冀
祈求再遇上 不放棄不逃避
今天失落才明白 默默道理
越是懷念你 越怕沒法一起
 
誰得到過願放手 曾精彩過願挽留
年年月月逝去越是覺得深愛你
如果失約在這生 母需相見在某年
完完全全共醉一生也願意
(完完全全共醉他生也願意)
 
來這年這一天這地 重見曾似相識的你
笑得輕鬆中帶傷悲
談你談我的新趣味 無法忘記當天的美
你的關心不過演戲

多少歡樂常回味 天空中充滿希冀
祈求再遇上 不放棄不逃避
今天失落才明白 默默道理
越是懷念你 越怕沒法一起
 
誰得到過願放手 曾精彩過願挽留
年年月月逝去越是覺得深愛你
如果失約在這生 母需相見在某年
完完全全共醉一生也願意
完完全全共醉他生也願意


tobegreen | 11-Jun-06, 19:28 | | (2620 Reads)

<from album DEMO>

唱﹕陳綺貞
曲/詞/編﹕陳綺貞

這里的景色像你變幻莫測
這樣的午后我坐在九份的馬路邊
這里的空氣很新鮮 這里的感覺很特別
仰望這片天空 遙望我對你的思念
窗外的星空像你嬉笑不眠
這樣的午夜我坐在九份的咖啡店
這里的街道有點改變 這里的人群喧鬧整夜
望著朦朧的海岸線 是否還能回到從前

昨日的單純今天的實際像你
而你也早已不是你
我的心 是一杯調和過的咖啡
懷念著往日淡薄的青草味

窗外的景色像你
沒什么道理
這樣的午后
我在忠孝東路的咖啡店
這里的街道有點危險
這里的人群面無表情
想問你也問自己
是否還會記得從前

昨日的單純今天的實際像你
而你也早已不是你
我的心 是一杯調和過的咖啡
懷念著往日淡薄的青草味
懷念著往日的堅持和現在你我的改變


Next