香港新浪網 MySinaBlog
tobegreen | 29-Nov-06, 00:21 | | (256 Reads)

其實一個月交二百幾蚊電話費,係咪好貴?

um...鬼叫自己當時貪平買電話,join d 明知三個月都傾唔晒既 plan,長遠來計都係蝕...

唔賺你,唔通電話公司蝕比你咩?!蠢!

 


tobegreen | 28-Nov-06, 00:51 | | (235 Reads)

我今日又再爆發出人潛在的驚人小宇宙 - 靠著那「一百億活性乳酸菌」支撐一個上午及半個下午,在三點多才享用那個本應為早餐的麵包。神奇地,我又真的沒有餓的感覺。

我發覺 (其實都發覺左好奈),當一個專心一致的時候,當真是可以忽略肉身所有感受,包括飢餓、酸痛、疲累。大概是所有神經細胞都集中到一點,不能兼顧其他「多餘」的感受。

當在工作中,發揮出這種心無旁騖的能力當然好,因為可助一鼓作氣地完成要做的事。不過,完事後,精神一放鬆,絕對倍感疲累。

所以我常想,或者當我一放長假,我大有可能會開始病...

 


tobegreen | 23-Nov-06, 01:12 | | (277 Reads)

如果沒有雲小姐的即興,又會錯過一齣好戲。

故事是講兩個一同學藝的魔術師,因為一次演出意外由互相欣賞變為互相嫉恨,無所不用其極的想要超越對方,更不惜放棄自己最愛的人、甚至「自己」。

一開始未進入看戲狀態,故事已經展開 (大多數的戲,開始都會比觀眾 warmup 下,唔會咁快要你諗野記野,呢套要。)。因為開始時沒我沒留心,再加上有一些插敍情節,所以頭十幾分鐘我都攪不清狀況﹕係咪有人死左?仲乜佢要坐監?呢個魔術攪咩?我一次又一次擔憂地詢問雲小姐﹕套戲好似好深,係咪會睇唔明?

幸好,我深明如果是一齣好戲,只要你肯用心看,之後的鋪排絕對令一切現有的迷團解開,只管靜心欣賞就夠了。這齣戲除了佈局能引人回味細想外,故事的過程結局亦值得人深思。

為了奪得觀眾的掌聲,不單止在表演台上,甚至回到現實,仍然在扮演著另一個人。為著那一點榮耀,連真正的自己都捨棄了,真的會開心嗎?真的滿足嘛?又或者為了超越別人,要做一些連自己都覺得痛苦的犧牲,可能最後是贏了一剎,但是卻輸掉其他所有。

是不是當一個太執著於某件事 / 沈迷某項東西的時候,就會這樣看不開?

 



batman 同 wolf,好似 batman 型 d~ Scarlet Johanson 雖然在戲中只作為一個大女配角,不過仍然好 sexy 呀~
原來同凶心人同一導演,唔怪得不同時空的情節可以連接得咁流暢。

tobegreen | 21-Nov-06, 21:56 | | (207 Reads)

是變了?

還是我根本沒看清過?


近來公司人事變動甚大,
突然的升調遷降,
雖然對我的工作並無大影響,
但,我並非一個盲目、無感情的工作機器 (有時寧願自己是),
合作過一段時日的同事,總有一點感情
就這樣毫無先兆地被辭退,
只可以想,這樣對她,或者都是一件好事...

大家都自說自話、相互控訴,
已經不知道,自己聽到的真不真確、看到的是否事實....
而一直認為的,又是不是真正的一面。

其實,我真的好想跟每一位同事成為朋友,
但是,當發生一些人事問題、涉及公司利益的時候,
工事及人情必有衝突,
而最後總是要做一些令自己不安樂的事...

所以,在工作環境之中,我總是叫自己盡量抽離、盡量冷淡...
不過,
真的好難。


tobegreen | 20-Nov-06, 18:04 | | (197 Reads)

其實,
我不喜歡回憶,

因為回憶中的人事物總是比現在的更美好,
於是,現在發生的任何事都變得不外如是...

 


tobegreen | 20-Nov-06, 00:55 | | (324 Reads)

因為阿爸的大膽嘗試,家中的熱水爐由原本可以執劑藥攪掂的小傷風,變成現在植物人狀態。由熱水爐不能再啟動的星期五至今,阿爸已經被阿媽在面前背後痛罵及埋怨過無數次,所以我都不忍心在此再加幾咀,我只是想抱怨一下失去了熱水爐帶來的不便。

身體的新陳代謝不會因為熱水爐不再供應熱水而停止,氣溫更不會因為我無熱水沖涼而提昇。(雖然天氣稱不上寒冷,不過又未熱到可以用凍水沖涼,而且我體質不耐寒,就算熱天都只可勉強用凍水沖身。) 這三天,我全家都只能依賴一個小小的水煲供應滚水。而一煲滚水就剛好可以開成一桶熱度剛好可用來沖涼的熱水。不過,一桶水,其實是不夠沖一個徹底的涼。

星期五晚夜歸,極為疲累,回家之後一心想著要立即沖涼然後倒頭大睡,誰知竟然還要等水滾。在外整天,外頭塵多空氣濁,總不能不沖吧,等啦!之後,看著那一桶熱水,心想﹕嗯,夠不夠我沖走塗滿全身的沖涼液呢?算了,為避免要乾著滿身泡泡的身體等待援兵,還的選擇性地使用沖涼液了。最後,我沖了一個不暢怏的涼,帶住一個滿是疑慮 (怕未沖得淨 d 沖涼液) 的心情入睡。

之後的兩晚,我都煲了兩煲滾水 (已經不能夠再多,因為家中只得一個水桶)。我只能夠說,從來未試過沖涼沖得有計劃到好似月尾要就住個荷包使錢咁。

然後,就是等的問題。一煲水要煲十分鐘,兩煲淨訐二十分鐘。不過,對於我這種不浪費分秒的人,總不捨得齋等 (試想一想,雙目呆滯地坐在沙發上 / 在爐頭前兩眼死瞪水煲,然後一聲 BB 響就整個人彈起熄爐的情景,是那麼地無聊),所以一定會邊等邊做些甚麼,例如看書,例如上網,然後水滚了,又正看 / 上到精彩處,不捨得停下,這樣又十分鐘了...於是煲兩煲水實際上花掉三十多分鐘。平常洗一個痛快的澡就不過十多分鐘吧。

希望明天技工可以救番個熱水爐。不過,現在,我要先好好想一想明早的洗頭步驟,一個絕對不浪費半滴水的洗頭步驟...

 


tobegreen | 19-Nov-06, 00:30 | | (331 Reads)

一直都相信邪不能勝正,而這個法則在絕大部份的電影都通用。「可可西里」是一個例外。

電影中正義的一方,不但不能將邪惡的一方正法,甚至死的死傷的傷。

見到援兵被流沙吞噬的時候,真的很愕然。唔係掛,那邊廂的人已經油糧短缺、體力亦所餘無幾,這邊廂的援兵竟然死於中途,咁斷左條後路,好絕望喎。

「可可西里」是真人真事改篇,是否就是因為是現賽,所以才有這樣悲涼的結局?

 

又,
不過,其實又唔係衰得晒,因為片尾有話,劇中的記者在詳細報導了羚羊被嚴重獵殺脫皮的情況之後,立即引起當局的關注,成立了保護區之餘,又立法嚴厲禁止買賣羊皮,羚羊的數目因此而回昇了不少。
但是,在發生了及被大事宣揚之後先真正動手處理,其實已經遲了。因為原本根本不需要犧牲,亦可以避免。不過,遲總好過冇。

知多 d﹕有關保護「可可西里」的資訊


tobegreen | 18-Nov-06, 17:40 | | (221 Reads)

我唔介意 OT O 到冇晒私人時間
我唔介意成日頻頻撲撲、要我去邊就去邊
我唔介意食死貓
我唔介意事無大小乜都關我事,好似個雜工咁

因為我應付到,亦忍受到

不過,我好介意充滿算計的,極複雜的人際及階級關係
一牽涉到「人」,我就唔想處理,亦處理唔來
救命
我覺得自己心入面衡量呢份工好壞既天秤開始斜向另一邊

唔好迫我啦,我仲未儲夠錢,未走得住呀...


tobegreen | 18-Nov-06, 01:28 | | (247 Reads)

今日響間小 boutique 睇衫既時候,店內除了我及店主,仲有兩位顧客﹕一位拎住 d 衫左度右度,另一位就好苦惱咁試緊 boot,相信兩位都係店主的熟客仔。

試緊 boot 既客人顯然好喜歡佢試緊o個對 boot,店主當然不斷佢買,緊係啦,生意喎。不過位客人好猶豫,亦念念有詞,似乎內心的天使同魔鬼不斷交戰。

天使﹕今季,我已經買左四對 boot 啦,好誇張,唔可以再買啦!

魔鬼﹕四對 boot 都唔同款唔同長度唔同色,邊算過份。又唔係一個款買幾隻色,o個 d 先叫誇!(我心諗﹕係啦,我雖然買左好多衫,不過全部都唔同款,唔過份,絕對唔過份)

呢個時候,店主笑一笑咁望住另一位揀緊衫既客人﹕呢度咪有個人版囉。
而那位客人就好似做錯事的小孩咁,好尷尬 (亦勉強) 地幫自己辨護。

由呢個小故事,可以有以下結論﹕
1. 女人買野,就算口講買得幾後悔,其實心底裡永遠都唔覺得自己買得多及不斷買係一個錯來架。
2. 女人天生都係購物狂。
3. 原來我的 case 係小毛見大毛,因為今季只係買左兩對 boots...雖然我仲想賣。

我冇睇到故事的最尾,唔知個客人最後有冇買。不過根據我的經驗,當你響一間鋪試野試得越奈,如果起初只是五成想買,最後好大可能會變成九成 (好多因素,例如﹕店員的甜言蜜語、件野越睇越順眼、諗到越來越多非買不可的原因...),所以我都幾肯定那位客人將會擁有呢季的第五對 boot。

所以,各位姐妹,如果你下次真係唔係想買野的話,就唔好眼多多腳多多咁走入鋪頭拎起 d 野來睇啦。又如果睇中左 d 野,不過你又唔係想買的話,亦千萬唔好抱住「既然唔買,就著多一陣望多幾眼的」的心態,到最後你可能會後悔莫及地買左件野 (當然,心底裡可能係沾沾自喜的)。

最好就是眼不見為淨。


tobegreen | 18-Nov-06, 01:02 | | (5160 Reads)

唱﹕傅佩嘉
曲: 林一峰  詞: 林一峰  曲: 方樹樑 @ 好人有限

每當點起一支煙 便想起你
把煙頭彈向夜空中 沒有絲毫留戀
用你不經心表情 望著我一笑
那一刻 我知道註定難避過一劫

若你點起一支煙會否想誰 是我吧
在兩個空間 做著這相同動作
共你竟可這麼近 同時那麼遠

你走後我只有 這樣懷念你的手

用了一支煙的時間掛念誰
浪費了幾分鐘的感情
計算得到還未算太累
而你似看穿我扮強悍
笑我姿勢未純熟 吸了煙呼出眼淚

用那火機噠的一聲把快樂燃點
隨著風中翻飛煙圈消散
我亦明白應怎打算

若你此刻點起煙會否想誰 是我吧
在兩個空間 做著這相同動作
共你竟可這麼近 同時那麼遠
你走後我只有 這樣懷念你的手

用了一支煙的時間掛念誰
浪費了幾分鐘的感情
計算得到還未算太累
而你似看穿我扮強悍
笑我姿勢未純熟 吸了煙呼出眼淚

用那火機噠的一聲把快樂燃點
隨著風中翻飛煙圈消散
我亦明白應該走了


Next