香港新浪網 MySinaBlog
tobegreen | 27-Feb-07, 12:42 | | (267 Reads)

請不要再問,為甚麼我沒有再跟那位曾經最要好最知心的朋友聯絡了,好嗎?

或者是因為我的自私;或者是因為我不想再承受那一種卑微無力的感覺;或者是因為不願再面對那種認為我沒盡力而為的指責;或者是不想再去跟她的執著糾纏。總之,是我先放棄那段友誼,先捨棄她的,是我不好。

一直都擺脫不了這種有負於她的感覺,已經好夠了,所以請不要再問。


tobegreen | 27-Feb-07, 04:58 | | (279 Reads)

近來有很多關於「香港男多女少 / 女多男少」、「女人應否降低要求,以增加擇偶機會」等等的文章及討論。其實,這類話題自從「港女」一詞出現之後,似乎每隔一段時間都會被熱烈討論。我看過很多人寫的,亦看過很過很多別人的回應,有些會深有共嗚、有些會一笑置之,不過,我的感想都是「做自己就好了」及「隨心隨緣」。

或者是我思想老套古舊幼稚單純,男多女少又好,男少女多又好,是碰不上的、緣份未到的,降低要求又如何?根本就並非「要求」的問題,除非所謂的「降低要求」,是叫自己去接受一些稱不上喜歡的人。

 (閱讀全文)

tobegreen | 26-Feb-07, 18:12 | | (268 Reads)

唔通忠直的人,最後真係會仆直?!

我心地善良、為人忠直唔要來比人呃、比人搵笨架...
原本以為已經了結,點知仲有下聞...

天呀,再咁沒完沒了,比老板娘知道左,會死架......

點解唔揀個精 d 既人來呃呀??!!

~~>嗚<~~

 (閱讀全文)

tobegreen | 25-Feb-07, 23:20 | | (830 Reads)

用渲麗、荒謬、誇張的手法呈現了主角松子孤獨、曲折、被賺棄的一生。


花樣奇緣」尾段節錄

 (閱讀全文)

tobegreen | 24-Feb-07, 13:45 | | (244 Reads)

昨晚跟好姊妹吃晚餐,又食壽司了。今次去了旺角的「北海道活壽司」,大概這一類大眾化的壽司店門外都一定會有長長的人龍。這一次,我們要等十三張飛,比上次的「羽壽司」少三倍呀,應該會很快有位吧!可是,我錯了。

看著、聽著帶位小弟叫飛,好慢,至少五分鐘才一個號碼。點解呢?店面比「羽壽司」寬敞,座位也不見得比較少,難道在旺角食飯的人食得比較慢?等下等下,講下講下,我忽然發現我們今次蠢了,應該多取一張鄰店「峰壽司」的飛,先叫先食,或者我就不會等到胃痛了。

 (閱讀全文)

tobegreen | 22-Feb-07, 22:29 | | (327 Reads)

我親愛的回憶拍檔,似乎病得嚴重。我想,它跟《大陽之歌》的女主角雨音薰同樣患上了不能與陽光接觸的病,只要一照陽光,它便蒙上一層陰影。

你感受到幾分柔弱的病態美嗎?

by Samsung i50 @ 20 Feb 07

攝於「元荃古道」二月二十日
(這一張已經是情況較樂觀的,請點擊圖片放大,病況會更清晰)


tobegreen | 22-Feb-07, 03:27 | | (267 Reads)

點解我經常都會在將近應該要上床睡覺的時候,才發現一些非常有吸引力的活動,然後就唔理三七廿一地一頭栽進去,結果就是欲罷不能地要完成先肯徹退。

十一時多的時候,心血來潮地在電腦的 folder 左 click 右 click,比我發現早前 download 的 《我 miss 係大佬 1 及 2  》特別篇,心痕,一看就不能停。

看來,我的理智及定力,都極需要鍛鍊。


tobegreen | 20-Feb-07, 21:50 | | (2196 Reads)

時﹕16 / 2 (年廿九)
地﹕銅鑼灣
人﹕雲妮 & 我
費﹕約一百九十 (兩位)

今次我想講的一餐飯,是好友雲妮特別欽點我在此描述的。

(內容可能有些無聊,及包含一幅不雅照片,可選擇不看,亦請至少不好在用餐前後閱讀。另外,整篇都屬個人的主觀用餐後感,不同人有不同口味,切勿以本篇作選食參考。)

 (閱讀全文)

tobegreen | 20-Feb-07, 00:32 | | (175 Reads)

好後悔,我竟然睡掉一個大好的年初一。

越想越覺得自己過份,不是因為睡了十二個小時,到旁晚才施施然起床用晚餐,而是我竟然又一次容許自己不顧預先訂好的假期使用計劃,任由自己睡下去 (我中途醒過...),雖然並非甚麼非做不可的事,但眼見現在假期只剩一天,計劃的完成率卻不到一半,真的好沮喪。(不過,長眠完之後又真係好鬼精神爽利!)

可能,是為了補償,所以昨日用過晚餐之後,我便很積極地看完一本書,及解決《放逐》的 B 碟。而今日,就馬不停蹄地清理累積了一段時日的工事 (唔係我懶唔做或效率低,係平時返工真係唔夠時間做,而近日先得知,那些我本來諗住慢慢清都唔怕的 REPORTS,必須在來緊的財政年度完結前完成。),這項最重要的,總算完成得八八九九。

 (閱讀全文)

tobegreen | 19-Feb-07, 14:07 | | (179 Reads)

一早來個死唔斷氣的長鳴鈴,算,見你咁有恆心,我即管爬起身聽…

原來係搵阿爸的拜年電話,把聲應該係某親戚,仲係長氣個隻,我討厭應酬,唔好迫我…

我﹕恭喜發財呀!阿爸未返,我叫佢打返比你地呀。

親戚﹕咦,你係咪…係咪…哎呀,唔記得你叫咩添…

我﹕我係 xx 呀。阿爸佢應該就返,我會同佢講你地打過來架啦。

親戚﹕你阿爸未放工呀?阿媽呢?你而家點呀?有冇拍拖?份工點呀?細佬呢?乖唔乖?有冇拍拖?
(以上是問題濃縮版。)

我如實以報。係呀,未返到。返左工啦。我幾好呀。冇拍拖呀。都係個份,ok 啦。佢幾乖,而家有返工。拍拖呀,一時一時啦。

以下是親戚的其中一個令我無言以對的回應 -

咁咪幾好,一家四口都有工開,個個都賺到錢,一定好多錢剩!
(哇,好彩係我聽電話,如果比阿媽聽到你咁講,就大鑊!)
不如我來香港幫你洗緊d!
(吓?!你好似風趣得有些少過份喎!)
點呀,係咪好多錢剩,要唔要我地來幫你洗緊 d 即?
(吓?!認真架)

救命!阿爸你返黎未?!


Next