香港新浪網 MySinaBlog
tobegreen | 30-Jan-09, 16:21 | | (63 Reads)

「我認命,不過唔會認輸!」

雖然,珠光寶氣入面的司琪姐性格不太討好 (不過,承認自己有老人癡呆症之後就好左),不過仍然有唔少精句。

其實,我都係信命之人,覺得人生的際遇都係整定,隨遇而安,就好了。

之不過,老天爺係就係咩都安排好晒,用咩態度去面對各種際遇,就冇人可以幫你決定。

當然,我講既「隨遇而安」唔係聽天由命、逆來順受,響遇上逆境的時候半 "pat",而是安然面對,以積極樂觀的態度減少其負面影響;相反,順境之時,就要知足,不自滿、不囂張。

真正的隨遇而安,是很高的境界,要慢慢學習呀~


tobegreen | 19-Jan-09, 21:15 | | (114 Reads)

我覺得自己心入面住左好多隻鬼,我唔知佢地係一直陪住我成長,只是以前年紀小意識唔到,定係自己長大左經歷多左,佢地先遂隻入侵我個心。

好驚呀,以前,當心入面有一些自私、不顧別人感受的諗法,或者,想講 / 做一些為一口氣而會傷害別人的說話 / 事情,總會責備自己,然後放棄這些念頭。但係,而家我竟然會去考慮利弊,甚至唔覺唔覺做埋出黎。

我好驚有一日,我會做出一些無法挽救,令自己後悔莫及的事。